بقالى أكتر من سنة
من بعد مكتشفت أنا
خيانتك ليه
بقالنا أكتر من سنة
وانا عايشه زى ما أنا
بجرحى وطول لياليه
لا أنا قادره اسكت صرختى
بينى وبين نفسيتى
ولا قادره اشوف شفقه
من الناس على آلمى
منا أصلى أقوى من كدا
بس انقطع نَفَسي
إحساس بالكسره ردم كل الى جوايه
من حب وحنان وفرحه لدونيايه
فى اى لمه الاقى نفسى
فى وادى تانى
ولما اشوف حد يشبهه
ومعاه حبيبته كأنى بشوف الخيانه قدامى
وكتير من الناس قالوا لى كفايه لحد كدا
كفايه تحرقى فى شبابك بالشكل ده
منا أعمل ايه ناس مهو اصله غصب عنى
مهو أصله على قلبى داس
وكان حته منى
سامحونى يا ناس بحاول
بس الجراح قايده
لا انا قادره يوم اسامحه
ورغم البعد مفيش فايده
أصله عايش حياته أوى
بقا له عيله وبيت مهو أصله قوى
قدر وهو حبيبى يروح لناس تانيه
قدر يبيع نفسه عشان خاطر حجات تانيه
قدر يكدب عليه وعينه ف عنيه
قدر يمثل عليه
قصه حب أبديه
يريت تبرد نارى
ويريت يدوق مرارى
مهى اصل الحياه مش دايمه
والدنيا دواره
ومسيره بكره ف ثانيه
من جرحه ينداره
كلمات رائعه ووصف اروع لحاله مؤثره قدرتي توصليها وتوصفيها بشكل رائع
ردحذفبس اسمحيلي اسجل ملحوظه صغيره علي الاوزان غير المنتظمه في بعض المقاطع لكن علي اعتبارها خواطر فهي بجد رائعه
احمد نجيب
مرسيه ليك جدا يا احمد على مرورك واكيد انا هكون فى حاجه لتعليقكك وانا عاوزه اقولك دى من اول الكتابات خالص الى كنت بكتبها يعنى من اكتر من 8 سنين تقريبا بس حبيت احطها زى ما البلوج بالنسبالى بدايه فحط كل بدايه معاها
ردحذفوبرحب بيك جدا وبتعليقك ديما على خواطرى
كلماتك جميلة واحساسها اجمل يا مي
ردحذفبس انتي فعلا عندك اجمل من كده خواطر بس زي ما قلتي دي بداياتك
لكن ده مش هيمنع ان المدونة كلها تحفة وجوها رومانسي اويييييييييييي
سلامي ليكي يا حبيبي
مرسيه ليكى يا حنان وانتى عارفه اكيد كل الكلام دا انتوا من اكتر الناس الى قرولى تقريبا وان شاء الله يبقى فيه مواضيع مش خواطر بس بس ديه بدايه اصلها
ردحذفويريت اشوف ردك ديما وتعليقكك
رائعة يا مى واحساسك حلو اوى وكلماتك وصلانى جداً ربنا يوفقك واتمنى انك تمتعينا اكتر واكتر
ردحذفمهاب حسين
مرسيه جدا يا مهاب وشكرا لمرورك وان شاء الله كتاباتى تعجبك
ردحذف