كفايه اسمع واسمع
عن حب وطموح وسفر .. طب سافر ويريت ما ترجع
عذبتنى بشعارات وكلام ومواويل وحورات
شوف كام سنه بسمعلك..شوف كام سنه بندهلك
واقفه جنبك وبحتجلك وانت بتمثل دور مش ليك
بقالى عمر بحاله وعمرى ما بقا في حاله...
راح العمر وطالت السنين وحالى أصبح ماهو حاله
حسه إنى كبرت راح شبابى راحت حياتى راح ما كنت بحلم بيه فى أوقاتى
راحت السنين وخدت معاها الحنين...
ولسه بتحكى نفس الكلام نفس الموال
لسه بتحكى عن كفاح اصبح محال
بقا عندى كام سنه؟ من كتر الى عدي نسيت أنا!
نسيت ايام زمان ايام كان فيها الحنان وفيها ضحكه الزمان
فيها بسمه ويا نظره فيها طفولتى ويا شبابى اصبح ما كان
خلاص انتهينا اسكت كفايه الى جنينا
وهم وكلام وكله ضاع ويالاحلام
مى حرحش
ليست هناك تعليقات:
إرسال تعليق